عدد المساهمات : 283 تاريخ التسجيل : 15/08/2009 العمر : 30 الموقع : اسيوط
موضوع: حكمه لو مشينا بيها صح ممكن ندخل الجنه بصاروخ الأربعاء أغسطس 19, 2009 11:45 am
شايف نفسك قدوة؟
هل سألت نفسك السؤال ده قبل كده؟
هل ليك قدوة في حياتك؟
سؤال فكرت فيه بسبب شخص قابلته وقالي اجمل حكمة سمعتها في حياتي ؟؟؟؟؟؟؟؟؟؟؟؟؟؟؟؟؟؟؟؟
الشخص ده هو واحد قريبي بس من بعيد شوية واصغر من والدي في السن بحاجات بسيطة
الانسان ده اقل ما يقال عليه انه مسلم
وانا هنا قاصد مسلم بجد مش بالبطاقة بس
-علي فكرة الحكمة دي للمسلم والمسيحي واي حد -
الراجل ده آخر مرة قابلته فيها كنت في سنة رابعة او خامسة ابتدائي
وشفته بعد كدة من فترة قريبة ودائما السؤال اللي لازم يسألهولي انت بتصلي؟
زمان كنت بفضل ساكت لكن المرة الاخيرة . . . . . . برضه فضلت ساكت
وهنا بقي الكلام المهم قالي ايه بقي؟
يابني ده انت هتبقي مهندس
وهايجي عليك يوم تبقي مسئول عن عمال في موقع تخيل بقي انهم لما يشوفوك انسان ملتزم ومحترم وبتصلي اكيد هيعتبروك قدوة لانك انت اللي بتدير المكان ولما يلاقوك بتصلي اكيد هيصلوا معاك وممكن يطلع منهم واحد يكون سبب هداية الامة شوف انت بقي هتاخد ثواب اد ايه
يا الله
ايه رأيكم في الكلام ده ؟؟؟؟؟؟؟؟؟؟؟؟؟؟؟؟؟؟؟؟؟؟
انا سرحت معي الهُسهُس بتاعي وانا لما بيمسكني هُسهُس
تخيلوا لو احنا فعلا مشينا بالحكمة دي في حياتنا
ممكن كام واحد يهتدي بسببنا ويكون هو سبب في هداية شخص تاني وغيره لغيره وهكذا شوفوا بقي هنروح لفين.................................... وصلتوا معايا
بس خدوا بالكم
اياك تاخد الموضوع منظرة عايزين يبقي كل ده من قلبنا و لله بس
وياسلام لو في المستقبل نربي ولادنا علي كده شوف جزائك هيبقي ايه اكيد انشاء الله الجنة وايه كمان
يا الله لو فكرنا نعيش حياتنا كده قدوة بجد مسلمين بجد بنعبد ربنا بجد
وعلي فكرة ممكن اخواننا المسيحيين يكونو سبب في التزام اخوانهم المسلمين والعكس صحيح طبعا ازاي ؟؟؟؟؟؟؟؟؟؟؟؟
الاجابة
الغيرة المحمودة(البناءة)
اه انك تغييرعلي دينك دي غيرة صح انك تغيير علي بلدك دي غيرة صح انك تغيير علي اهلك دي غيرة صح انك تغير من العالم اللي بيتقدم كل يوم عن التاني واحنا واقفين في مكاننا دي غيرة صح
ودي الغيرة اللي ممكن تدفع البلد كلها للامااااااااااااااام
وخليكوا دائما فاكرين ان ربنا سبحانه وتعالي قال (ولتجدن اقربهم للمؤمنين الذين قالوا إنّا نصاري) ياريت لو الآية فيه تصحيح حد يقول والرسول عليه الصلاة والسلام قال استوصوا بالنصاري خير
ومتنسوش ان شعارنا في يوم من الايام كان الدين لله والوطن للجميع ومتنسوش برضه ان اللي حرر سيناء كانوا رجالة مسلمين ومسيحيين واخيرا افكركم ان ربنا قال في القرآن لكم دينكم ولي ديني ياما نفسي المعاملة ما بينا تبقي زي ايام زمان وميبقاش اللي بنشوفوا ونسمعه ده موجود المسيحيين دول مش عارف ايه والبهائيين والشيعة ربنا يستر علينا من الايام اللي جاية
المهم يلا كلنانحفظ الحكمة دي ونبدأ نمشي بيها في حياتنا واعتقد انه فعلا مفيش احلي من الحكمة دي نخليها معانا في حياتنا فربما نكون سببا في هداية الامة وتقدمها
وده كان رد زميلة في الكلية علي الموضوع حبيت اضيفه لانه جميل ومفيد جداً
بالنسبة لأكثر حاجة بتأثر فىّ جدااااااااااااا وبتكون مسيطرة علىّ فى أوقات كتيررررة
إن الحلال بَيّنٌ وإن الحرام بَيّنٌ وبينهما أمور مُشتبهات لا يعلمهن كثير من الناس, فمن اتقى الشبهات فقد استبرأ لدينه وعرضه ومن وقع فى الشبهات وقع فى الحرام كالراعى يرعى حول الحمى يُوشك أن يرتع فيه, ألا وإن لكل ملك حمى ألا وإن حمى الله محارمه ألا وإن فى الجسد مُضغة إذا صلحت صلح الجسد كله وإذا فسدت فسد الجسد كله ألا وهى القلـــــــب
الثالثة هى كلمات قرأتها للدكتور خالد أبو شادى فى كتابه الرائع جداااااااا صفقات رابحة وهى
ما أحلى أن يجد الإنسان فى صحيفته حسنات لم يتعب فيها وأن يملأ ميزانه بطاعات عملها غيره وأن يرتقى درجات الجنة بعد أن يواريه التراب وذلك بأن يعمل أجيراً عند الله
أعجبتنى جدااااااااا ومست أوتار قلبى وفعلاً الدعوة إلى الله سبحانه وتعالى أحلى وأشرف مهنة عَمِل بها الأنبياء والرسل, أحلى حاجة أن الواحد يكون سبب فى هداية نفس وإنقاذ روح من النار, ياااااااااااه إحساس جميل أوووى, يبقى كل دول فى ميزان حسناتك يوم القيامة, وكمان ده من زكاة العلم والهداية, وكمان بتكون من علم أنتفع به الناس بعد ممات الداعية اللى ترك وراه كتب وشرائط و... إلخ, قال النبى صلى الله عليه وسلم: " لأن يهدى الله بك رجُلٌ واحداً خيرٌ لك من حمر النعم " وفى رواية أخرى خيرٌ لك من الدنيا وما فيها, وأنا شخصياً أتمنى وبادعوا الله سبحانه وتعالى أن يقبض روحى وأنا بأدعوا الناس إليه سبحانه وتعالى.. يــــــــــــارب تقبل منا وأرضى عنا وجعل عيننا تدمع من تقواك واملأ قلوبنا بخشيتك وألسنتنا بك ذكراً ووجوهنا منك حيـــــــــاءاً.. آآآآميييين يارب العالمين
آآآآآآآآآآآآمين يارب
واخيراً
شكرا لكل من اكمل الموضوع معي الي النهاية وجزاكم الله خير